वर्षागणिक एक मराठी सिनेमा निर्माण करायचा, असा काही दिवसांपूर्वी मी संकल्प केला होता. २००९ साली “इरादा पक्का” नावाचा सिनेमा दिग्दर्शित केला होता. २०१० साली काय करायचं, असा विचार डोक्यात येत असताना “ओडिसी कार्पोरेशन लिमिटेड” कंपनीचे प्रमुख मला भेटले. त्यांनी माझ्यासोबत सिनेमा करण्याची इच्छा व्यक्त केली, पण संहितेचं काय? सिनेमा करायचा, तर तो टिपिकल विनोदी. काहीतरी आगळं-वेगळं करायला हवं,हे डोक्यात पक्कं होतं. अचानक संतोष पवार आठवला. खूप वर्षांपूर्वी आम्ही एकत्र स्पर्धा करत असताना, त्याची “अटेन्शन” नावाची एकांकिका गाजली असल्याचं स्मरण झालं. ताबडतोब फ़ोनाफ़ोनी करून भेट झाली. त्याच्या कथेवर सिनेमा करायचा विचार डोक्यात रेंगाळू लागला. त्यालाही कल्पना आवडली आणि त्या कथेवर पटकथेचे संस्कार सुरू झाले.
आता लवकरच संपूर्ण महाराष्ट्रात प्रदर्शित होणार केदार शिंदेचा नवा सिनेमा असेल, “ ऑन ड्युटी २४ तास”.
केदार शिंदे
No comments:
Post a Comment